میرپور : وزیراعظم شہبازشریف بجلی کے منصوبے کی تقریب کے دوران وزیراعظم آزاد کشمیر سردارتنویرالیاس کو جھڑکتے رہے اور بات نہ کرنے دی۔
تفصیلات کے مطابق وزیراعظم شہبازشریف نے آزاد کشمیرمیں بیٹھ کر وہاں کے وزیراعظم کو بات تک نہ کرنے دی۔
بجلی کے منصوبے کی تقریب کے دوران سردار تنویر نے بات کرنے کی کوشش کی تو شہبازشریف خفا ہوگئے اور وزیراعظم آزاد کشمیر کو اشارے سے بٹھاتے رہے۔
وزیر اعظم آزاد کشمیر کی جانب سے تکرار پر شہبازشریف طیش میں آگئے اور لہجہ سخت ہوگیا۔
بعد ازاں وزیراعظم آزادکشمیر سردار تنویر الیاس وزیراعظم پاکستان شہبازشریف پر برس پڑے اور کہا بھری تقریب میں میری توہین کی گئی، شہبازشریف سے تین منٹ مانگے ،بھیک نہیں۔
تنویرالیاس نے کہا کہ شہبازشریف کا میرے ساتھ ہتک آمیزرویہ ناقابل برداشت ہے، وہ ہماری تاریخ سے واقف نہیں ہیں۔
وزیر اعظم آزاد کشمیر کا کہنا تھا کہ شہبازشریف وزارت عظمیٰ اور سیاست کے قابل نہیں ، شہباز شریف کشمیریوں کو رلا کر پاکستان کو کمزور کر رہاہے۔
شہباز شریف کے رویے کا کشمیری قوم اور اپوزیشن کو بھی نوٹس لینا چاہیے، واپڈا حکام کی کمشنر ڈی آئی جی میرپور سےبدتمیزی کی بھی مذمت کرتا ہوں۔
ہمارے گھر میں آکر شہباز شریف کی بد معاشی ناقابل معافی ہے،آزادکشمیرکوحق نہیں دیں گے توانہیں چلنےنہیں دیں گے۔
