اسلام آباد : وزیر اعظم شہباز شریف نے ایران میں 8 پاکستانیوں کے قتل پر اپنے گہرے دکھ اور رنج و غم کا اظہار کیا ہے۔
اپنے ایک بیان میں وزیراعظم نے ایرانی سرزمین پر پاکستانیوں کے قتل پر گہری تشویش کا اظہار کرتے ہوئے کہا کہ دہشت گردی کا ناسور خطے میں موجود تمام ملک کیلئے تباہ کن ہے۔
ان کا کہنا ہے کہ خطے کے ممالک کو مل کر دہشت گردی کیخلاف حکمت عملی پر عمل درآمد کرنا ہوگا،
ایرانی حکومت ملزمان کو گرفتار کرنے کے بعد قرار واقعی سزا دے۔
شہبازشریف نے کہا کہ ایرانی حکومت 8 پاکستانیوں کے قتل کی بہیمانہ واردات کی وجوہات عوام کے سامنے لائے۔
وزیراعظم نے وزارت خارجہ کو پاکستانیوں کے اہل خانہ سے رابطہ کرنے اور ایران میں پاکستانی سفارتخانے کو مقتولین کی میتوں کی بحفاظت واپسی کیلئے اقدامات کی ہدایت بھی کی۔
