اسلام آباد : وزیراعظم شہباز شریف نے آئی ایم ایف پروگرام کے لیے شرائط پوری کرنے کی یقین دہانی کرا دی۔
تفصیلات کے مطابق حکومت نے آئی ایم ایف کے سامنے گھٹنے ٹیک دیے اور آئی ایم ایف سے پالیسی مذاکرات کا اہم مرحلہ آگیا۔
وزیراعظم شہباز شریف سے آئی ایم ایف وفد کی ملاقات ہوئی ، ملاقات میں وزیرخزانہ اسحاق ڈاربھی موجود تھے۔
ملاقات میں وزیراعظم نے آئی ایم ایف کا پروگرام مکمل کرنے اور اہداف پر عمل کی یقین دہانی کرادی۔
ذرائع کا کہنا ہے کہ حکومت مذاکرات مکمل کرنےکی سرتوڑ کوششوں میں ہے، وزیراعظم کی آئی ایم ایف کو یقین دہانیاں کیا ہو سکتی ہیں۔
پہلے 30جون تک زرمبادلہ ذخائر 16 ارب ڈالر 20کروڑ ڈالر پر لانا ہوگا ، درآمدات پر پابندیاں فوری ختم کرنا ہوں گی اور ایل سیز کھولنے کیلئے 4ارب ڈالر فراہم کرنے ہوں گے۔
اس کے علاوہ اخراجات میں 600ارب کمی کرنی ہوگی اور بجلی گیس کے نرخ 50فیصد بڑھاناہوں گے۔
حکومت کو 6 نجکاری پروگرام کو فعال بنانا ہو گا ، بیرونی قرضہ ادائیگی کی نئی پالیسی لانا ہوگی ، برآمدی شعبےکی سبسڈی کا خاتمہ کرنا ہوگا۔
سیلز ٹیکس کی شرح 18 فیصد کرنا فلڈ لیوی کی شرح میں اضافہ ہوگا اور 11 توانائی شعبے میں گردشی قرضہ ادائیگی کا نیا پلان دینا ہوگا۔
خیال رہے آئی ایم ایف نے برآمدی سیکٹر کو حاصل رعایتیں ختم کرنے کے ساتھ صارفین کیلئے گیس سبسڈی ہٹانے کی شرط رکھ دی، گیس کے نرخ عالمی قیمت کے قریب رکھنا ہوگی۔
آئی ایم ایف کا نادہندگان سے وصولیاں کرنے کا بھی مطالبہ کیا ہے ، اضافی ٹیکس کے لیے منی بجٹ لایا جائے گا۔
