اسلام آباد : وزیراعظم شہبازشریف آج شام 4 بجے اہم پریس کانفرنس کریں گے، جس میں سیاسی معاملات اور لانگ مارچ پر گفتگو ہوگی۔
تفصیلات کے مطابق وزیراعظم شہبازشریف آج شام 4 بجے اہم پریس کانفرنس کریں گے، جس میں وہ سیاسی معاملات پر اظہار خیال کریں گے۔
ذرائع نے کہا ہے کہ وزیراعظم ہاؤس میں ہونیوالی پریس کانفرنس میں لانگ مارچ پر گفتگو ہو گی۔
وزیراعظم مذاکراتی عمل ہونے یا نہ ہونے کے معاملے سے بھی آگاہ کریں گے اور ملک کی مجموعی صورتحال کا بھی احاطہ کریں گے۔
پریس کانفرنس میں شہبازشریف اہم بیرونی دوروں پر بھی اعتماد میں لیں گے۔
گذشتہ روز وزیر اعظم پاکستان شہباز شریف نے ملک کے معروف یوٹیوبرز سے گفتگو کرتے ہوئے بتایا تھا کہ میں عمران نیازی سے مذاکرات کے لیے تیار ہیں، لیکن آرمی چیف کی تعیناتی کے معاملے پر ان سے کوئی مشاورت نہیں کروں گا۔
ان کا کہنا تھا کہ میں چین جا رہا ہوں تو یہ دوبارہ بدقسمتی سے دھرنوں اور لانگ مارچ پر اتر آئے ہیں، اس سے پہلے چین کے صدر نے پاکستان آنا تھا تو بھی اس نے دھرنا دیا تھا، چین کے سفیر نے درخواست کی تھی آپ 3 دن کے لیے اٹھ جائیں، لیکن انھوں نے کہا ہم نہیں اٹھیں گے۔
