وزیراعظم شہباز شریف نے کہا ہے کہ ریاست اور تنصیبات پر حملے کی جڑیں عمران نیازی کی ایک سالہ تقاریر میں پوشیدہ ہیں۔
اے آر وائی نیوز کے مطابق وزیراعظم شہباز شریف نے پی ٹی آئی چیئرمین عمران خان کی گرفتاری کے بعد ملک میں ہونے والی بدامنی کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے جس میں انہوں نے تمام واقعات کی ذمے داری سابق وزیراعظم عمران خان پر عائد کی ہے۔
شہباز شریف نے اپنے ٹویٹ میں کہا ہے کہ ریاست اور تنصیبات پر حملے کی جڑیں عمران نیازی کی ایک سالہ تقاریر میں پوشیدہ ہیں۔ انہوں نے سیاست کو مذہبی رنگ دے کر حق اور باطل کی جنگ قرار دیا، مسلسل مسلح افواج، موجودہ آرمی چیف کو بدنام کیا اور حملہ کیا۔
وزیراعظم نے مزید لکھا کہ عمران خان نے بہت چالاکی سے حقیقی آزادی کے نعروں کے ساتھ ایک فرقہ تیارکیا۔ ان کا مقصد تشدد پر اکسانا تھا جس کا ہم نے 9 مئی کو مشاہدہ کیا۔ ان کی تقاریر سنیں تو آپ کو تمام جواب مل جائیں گے۔
The roots of the mutinous attack on the state, its symbols & sensitive installations on May 9 lie in the contents of Imran Niazi's speeches over the past one year. He has liberally deployed religious imagery to brand his political agitation as a war between truth & falsehood. He…
— Shehbaz Sharif (@CMShehbaz) May 17, 2023
