لندن: وزیر اعظم شہباز شریف نے چیئرمین پاکستان تحریک انصاف عمران خان کی جانب سے آرمی اور انٹیلیجنس ایجنسی پر لگائے گئے الزامات پر اپنے سخت ردعمل کا اظہار کر دیا۔
سماجی رابطے کی ویب سائٹ ٹوئٹر پر وزیر اعظم شہباز شریف نے کہا کہ عمران نیازی کے فوج اور انٹیلی جنس ایجنسی کے خلاف مہم و دھمکیوں کی مذمت کرتے ہیں، وہ سیاسی فائدے کیلیے پاکستان آرمی اور ایجنسی کے خلاف مہم میں مصروف ہے۔
شہباز شریف نے کہا کہ عمران نیازی جنرل فیصل نصیر اور ایجنسی افسران پر بغیر ثبوت الزام لگا رہے ہیں، ان کو بغیر ثبوت الزامات کی اجازت نہیں دی جائے گی۔
انہوں نے کہا کہ عمران نیازی کے بغیر ثبوت الزامات کو برداشت نہیں کیا جائے گا۔
Imran Niazi's act of routinely maligning and threatening Pakistan Army and Intelligence Agency for the sake of petty political gains is highly condemnable. His leveling of allegations without any proof against Gen Faisal Naseer and officers of our Intelligence Agnecy cannot be…
— Shehbaz Sharif (@CMShehbaz) May 7, 2023
قبل ازیں سابق صدر آصف علی زرداری نے عمران خان پر تنقید کرتے ہوئے اپنے بیان میں کہا کہ ایک شخص اداروں کو بدنام کرنے کی ہر حد کو عبور کر چکا ہے لیکن اب مزید برداشت نہیں کیا جائے گا، اداروں کو بدنام کرنے کی کوشش نے ایک شخص کو بے نقاب کر دیا۔
آصف علی زرداری نے کہا کہ بس بہت ہوگیا اب کوئی اس کی پیروی کرنے کا سوچ بھی نہیں سکتا، غیر ملکی ایجنٹ کی گزشتہ روز تقریر کے بعد کوئی محب وطن پیروی کا سوچ بھی نہیں سکتا، ایک شخص میرے آباؤ اجداد، بچوں اور ملک کو تباہ کرنے کے در پے ہے، اس شخص کو ملک تباہ کرنے کی ہم اجازت نہیں دیں گے۔
سابق صدر نے کہا کہ آرمی کے بہادر افسران پر الزامات دراصل ادارے پر حملہ ہیں، آرمی کے بہادر افسران کے ساتھ پورا پاکستان کھڑا ہے، ایک شخص جھوٹ سے معصوم کارکنان کو بے وقوف بنا رہا ہے، میں اس شخص کا زوال دیکھ رہا ہوں۔