لاہور : وزیراعظم شہباز شریف آذربائیجان کا 2 روزہ دورہ مکمل کرکے وطن واپس پہنچ گئے، اعلیٰ سفارتی و حکومتی اہلکاروں نے انہیں رخصت کیا۔
اے آر وائی نیوز کی رپورٹ کے مطابق فذولی ہوائی اڈے پر آذربائیجان کے وزیرِ تعلیم و سائنس امین امر اللائیف، آذربائیجان کے پاکستان میں سفیر خضر فرہادوف، پاکستان کے آذربائیجان میں سفیر قاسم محی الدین اور اعلیٰ سفارتی و حکومتی اہلکاروں نے وزیرِ اعظم و پاکستانی وفد کو الوداع کیا۔
وطن واپسی کے بعد وزیراعظم شہبازشریف ایئرپورٹ سے لاہور ماڈل ٹاؤن میں اپنی رہائش گاہ پہنچ گئے
ان کے ہمراہ نائب وزیراعظم اسحاق ڈار، وزیراطلاعات عطا تارڑ بھی پہنچے ہیں۔
شہباز شریف نے اپنے دورے کے دوران خانکندی میں منعقدہ اقتصادی تعاون تنظیم (ای سی او) کے سربراہی اجلاس میں شرکت کی اور عالمی و علاقائی امور پر پاکستان کا مؤقف پیش کیا۔
وزیرِ اعظم نے علاقائی روابط، تجارت، سرمایہ کاری، پائیدار ترقی اور علاقائی امن کیلئے اقدامات کی ضرورت پر زور دیا۔
ذرائع کے مطابق جمعہ کو وزیراعظم باکو سے آذربائیجان کے شہر فضولی پہنچے اور رات کو وطن واپس روانہ ہوئے تھے۔
