اسلام آباد : وزیر اعظم شہباز شریف کی زیر صدارت ایپکس کمیٹی کا اجلاس آج ہوگا، اجلاس میں آرمی چیف جنرل عاصم منیرشرکت کریں گے.
تفصیلات کے مطابق اسپیشل انویسٹمنٹ فیسلیٹیشن کونسل کی ایپکس کمیٹی کا اجلاس ری شیڈول کردیا گیا، وزیر اعظم شہباز شریف کی زیر صدارت ایپکس کمیٹی کااجلاس آج ہو گا۔
ذرائع نے بتایا کہ ایپکس کمیٹی اجلاس میں آرمی چیف جنرل عاصم منیرشرکت کریں گے جبکہ چارو ں صوبائی وزرائےاعلیٰ اوروفاقی وزرا بھی اجلاس میں شریک ہوں گے۔
ذرائع کا کہنا تھا کہ ایپکس کمیٹی کونسل کے قیام کے بعد اٹھائے گئے اقدامات کا جائزہ لے گی جبکہ عملدرآمد کمیٹی کے ہونے والے 2 اجلاسوں کی سفارشات ایپکس کمیٹی میں پیش کی جائیں گی۔
ذرائع نے کہا ہے کہ رواں ماہ بیرون ممالک سے سرمایہ کاری کیلئےوفودکی آمد کا امکان ہے، وفود کی آمد اور سہولت کاری کیلئے ایپکس کمیٹی لائحہ عمل کی منظوری دےگی۔
