The news is by your side.

Advertisement

کے فور منصوبے کی تکمیل ہماری حکومت کی اولین ترجیح ہے: مراد علی شاہ

کراچی: وزیر اعلیٰ سندھ، سید مراد علی شاہ نے کہا ہے کہ کے فور منصوبےکی تکمیل ہماری حکومت کی اولین ترجیح ہے.

ان خیالات کا اظہار انھوں نے اپنی زیر صدارت کے فور سے متعلق ہونے والے اجلاس میں کیا، اجلاس میں وزیر بلدیات سعید غنی، چیف سیکریٹری ممتاز شاہ اور متعلقہ حکام شریک ہوئے.

سید مراد علی شاہ نے کے فور منصوبے کو سندھ حکومت کی ترجیح قرار دیتے ہوئے کہا کہ منصوبہ 660 ایم جی ڈی پانی 3 مرحلوں میں دینے کے لئے شروع کیا گیا ہے.

وزیر اعلیٰ سندھ کے مطابق کے فور کا کنٹریکٹ 2016 میں ایف ڈبلیو او کو 28.18 بلین میں دیا گیا، پیکیج اے کا سول ورک 70 فیصد مکمل کر لیا گیا ہے.

انھوں نے کہا کہ پروجیکٹ کے لیے 50 میگا واٹ کا پاور پلانٹ بھی لگنا ہے، پیکیج بی میں الیکٹریکل اور میکنیکل کام ہونے ہیں.

وزیر اعلیٰ سند کے مطابق منصوبے پرمزید کاموں کے لئے 18.6 بلین درکار ہیں، اجلاس میں بڑھتی لاگت کا انتظام اور ڈیزائن کو مزید بہتر کرنے پرغور کیا گیا.

خیال رہے کہ کراچی میں پانی کا بحران شدت اختیار کر گیا ہے. ایم کیو ایم بھی حکومت اور واٹر بورڈ کے خلاف میدان میں آگئی اور عوامی احتجاج کا اعلان کر دیا ہے.

Comments

comments

یہ بھی پڑھیں