بیجنگ: وزیر اعظم پاکستان محمد نواز شریف چین کے سرکاری دورے کے بعد ہانگ کانگ کے لیے روانہ ہوگئے۔ ہانگ کانگ روانگی سے قبل گفتگو کرتے ہوئے وزیر اعظم نے ای کامرس کو ملکی معیشت کے لیے اہم ترین قرار دے دیا۔
تفصیلات کے مطابق وزیر اعظم پاکستان محمد نواز شریف کا چین کا 3 روزہ سرکاری دورہ مکمل ہوگیا۔ دورے کے آخری روز انہوں نے چین کی کمیونسٹ پارٹی کے سیکریٹری چی جن نے ملاقات کی۔
ملاقات میں پاک چین تعلقات اور باہمی دلچسپی کے امور پر تبادلہ خیال کیا گیا۔
Prime Minister Muhammad Nawaz met party secretary Mr. Che Jun in Hangzhou. pic.twitter.com/v7qcIcuMAQ
— PML(N) (@pmln_org) May 16, 2017
اس موقع پر وزیر اعظم نے کہا کہ پاکستان اورچین گہرے دوست ہیں اور عوام کی خوشحالی کے لیے ساتھ کھڑے ہیں۔
ملاقات میں کمیونسٹ پارٹی کے سیکریٹری چی جن کا کہنا تھا کہ اقتصادی راہداری کے باعث دونوں ممالک کے قریبی تعلقات عوامی سطح پر روابط میں تبدیل ہوگئے۔
انہوں نے وزیر اعظم کو بتایا کہ سنکیانگ صوبے کے پاکستان کے ساتھ مضبوط کاروباری تعلقات ہیں۔
بعد ازاں وزیر اعظم نواز شریف ہانگ کانگ کے لیے روانہ ہوگئے۔
وزیر اعظم کی ہانگ کانگ میں مصروفیات
وزیر اعظم اپنے ہانگ کانگ کے 3 روزہ سرکاری دورے کے دوران ہانگ کانگ کی بزنس کمیونٹی سے خطاب کریں گے اور انہیں پاکستان میں سرمایہ کاری کی دعوت دیں گے۔
وہ ہانگ کانگ میں قیام کے دوران ایک خطہ ایک سڑک پاکستان سرمایہ کاری فورم سے بھی خطاب کریں گے جس میں ہانگ کانگ اور مے لینڈ چائنہ کی ممتاز کاروباری کمپنیاں شرکت کریں گی۔
ہانگ کانگ میں پاکستان کے قونصل خانے کے مطابق فورم میں چین پاکستان اقتصادی راہداری سے پیدا ہونے والے مواقعوں کو اجاگر کیا جائے گا۔
وزیر اعظم ہانگ کانگ میں اپنے قیام کے دوران ہانگ کانگ کی منتخب چیف ایگزیکٹو مسز کیری سے بھی ملاقات کریں گے۔
وزیر اعظم کے دورہ چین کے دوران دونوں ممالک کے درمیان کئی اہم معاہدوں پر دستخط بھی ہوئے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
