کوئٹہ : ناظم کلیم اللہ خان کاکڑ کےمطابق وزیراعظم نوازشریف پیر کے روز کوئٹہ کا دورہ کریں گے،اور ترقیاتی منصوبوں کی سنگ بنیاد رکھیں گے.
ریڈیو پاکستان کے مطابق کوئٹہ کے ناظم کلیم اللہ خان کاکڑ نے اس بات کا اعلان ایک وفد سے گفتگو کے دوران کیا.
وزیراعظم نوازشریف اپنے دورہ کوئٹہ میں ترقیاتی منصوبوں کا افتتاح کریں گے، جن میں گلی مارچوک اندربائی پاس، سریاب روڈ کی چوڑائی سمیت میزان چوک پلازہ جیسے منصوبے شامل ہیں.
- Advertisement -
کلیم اللہ خان کاکڑ نے کہا کہ وزیراعظم کے ان منصوبوں کے افتتاح سے عوام کو درپیش مسائل کو حل کیا جاسکے گا.
انہوں نے مزید کہا کہ وزیراعظم کوئٹہ کو خوبصورت بنانے میں خصوصی دلچسپی دکھتے ہیں.