لاہور : مسلم لیگ ن نے وزیراعلیٰ پنجاب کیلئے حمزہ شہباز کے نام پرغور شروع کردیا تاہم حتمی فیصلہ متحدہ اپوزیشن اور حکومتی منحرف ارکان کی مشاورت سے ہوگا۔
تفصیلات کے مطابق پنجاب اسمبلی میں نئے قائد ایوان کے معاملے پر مسلم لیگ ن نے وزیراعلیٰ پنجاب کیلئے حمزہ شہباز کے نام پرغور شروع کردیا۔
ذرائع کا کہنا ہے کہ ن لیگ کے قائد نوازشریف کی زیرصدارت آن لائن اجلاس ہوا، اجلاس میں اکثریت نے بھی حمزہ شہبازکی حمایت کی۔
ذرائع نے بتایا کہ حتمی فیصلہ متحدہ اپوزیشن اور حکومتی منحرف ارکان کی مشاورت سے ہوگا۔
یاد رہے چند روز قبل مسلم لیگ ن نے علیم خان کو وزیر اعلیٰ پنجاب نامزد کرنے کا اشارہ دیتے ہوئے کہا تھا کہ ہماری پنجاب اسمبلی میں اکثریت ہے، علیم خان ہمارے وزارت اعلیٰ کے امیدوار ہوسکتے ہیں۔
خیال رہے گذشتہ ماہ شہباز حمزہ شہباز کے’’ترجمان‘‘ عمران گورائیہ نے ایک صحافی سوال پر کہا تھا کہ اگلے وزیراعلیٰ پنجاب حمزہ شہباز ہوں گے۔
