لاہور : مسلم لیگ ن کے منحرف رکن اسمبلی نے حقیقی آزادی مارچ کی حمایت کا اعلان کرتے ہوئے کہا امپورٹڈ حکومت بیرونی قوتوں کے کندھے استعمال کر کے اقتدار میں آئی۔
تفصیلات کے مطابق تحریک انصاف کے رہنما شفقت محمود سے ن لیگ کے ایم پی اے جلیل شرقپوری کی ملاقات ہوئی ، ملاقات میں جلیل احمد شرقپوری نے حقیقی آزادی مارچ کی حمایت کا اعلان کردیا۔
دوران ملاقات شفقت محمود نے کہا کہ سازش سےمسلط حکومت کا کوئی مستقبل نہیں ہے، مارچ میں شرکت کے لیےعوام میں بڑا جوش وجذبہ ہے، ن لیگ کی تجربہ کار حکومت کےہاتھ پاؤں پھول چکے ہیں۔
اس موقع پر جلیل شرقپوری نے کہا کہ امپورٹڈحکومت بیرونی قوتوں کےکندھے استعمال کر کے اقتدار میں آئی ، بیرونی قوتوں کےہاتھوں استعمال ہونےوالوں کا کوئی مستقبل نہیں۔
خیال رہے مسلم لیگ کے منحرف رکن اسمبلی جلیل شرقپوری کا استعفیٰ دینے کاامکان ہے ، گزشتہ روز خانیوال کےایم پی اےفیصل نیازی نے بھی استعفیٰ اسپیکر کوجمع کرایا تھا۔
