لاہور : ضمنی انتخابات میں پی ٹی آئی کے منحرف ارکان کوٹکٹ دینے کے معاملے پر مسلم لیگ ن میں اختلافات سامنے آگئے۔
تفصیلات کے مطابق ضمنی انتخابات میں منحرفین کو ٹکٹ دینے کا معاملے پر مسلم لیگ ن لیگ اختلافات کا شکار ہوگئی ، ذرائع نے کہا ہے کہ مقامی قیادت اور کارکن دل سے منحرف ارکان کو قبول کرنے کو تیار نہیں۔
ذرائع ن لیگ نے بتایا کہ پی ٹی آئی کے منحرف ارکان کوٹکٹ دینے پرشدیدردعمل عمل آیاہے ، جس کے بعد ن لیگ بعض منحرف ارکان کو آزاد الیکشن لڑوانے کا سوچ رہی ہے اور ن لیگ ان حلقوں میں اپنا امیدوار کھڑا نہیں کرے گی۔
ذرائع کا کہنا تھا کہ اگرمنحرف ارکان کو ٹکٹ دیاتوپارٹی اختلافات کیساتھ شکست کا بھی خدشہ ہے، اسدکھوکھر ، نعمان لنگڑیال ، غلام رسول سنگھا ، اجمل چیمہ ، لالہ طاہررندھاوا ،سلمان نعیم آزاد اور نذیر چوہان آزادامیدوارکی حیثیت میں الیکشن لڑیں گے۔
ن لیگ کے ذرائع نے کہا کہ اگرکسی منحرف نے خواہش کا اظہار کیا تو ن لیگ ٹکٹ دے گی ، مشکل میں ساتھ دینے والےمنحرفین کا ساتھ نہیں چھوڑیں گے۔