The news is by your side.

Advertisement

مریم نواز کی نیب میں پیشی، مسلم لیگ ن نے حکمت عملی کو حتمی شکل دے دی

لاہور: مسلم لیگ ن نے مریم نواز کی نیب میں پیشی سے متعلق حکمت عملی کو حتمی شکل دے دی، مریم نواز ریلی کی صورت میں نیب آفس ٹھوکر نیاز بیگ پہنچیں گی۔

تفصیلات کے مطابق مسلم لیگ ن کی نائب صدر مریم نواز کی نیب میں پیشی پر مسلم لیگ ن نے حکمت عملی کو حتمی شکل دے دی۔

ذرائع ن لیگ کا کہنا ہے کہ مریم نواز ماڈل ٹاؤن سے نیب آفس کیلئے روانہ ہوں گی، اس سلسلے میں اراکین اسمبلی، ٹکٹ ہولڈرز اور عہدیداروں کو ذمہ داریاں دے دی گئیں اور ہر رکن قومی وصوبائی اسمبلی کو 200 کارکن ساتھ لانے کی ہدایت کی ہے۔

ذرائع کے مطابق مریم نواز ریلی کی صورت میں نیب آفس ٹھوکر نیاز بیگ پہنچیں گی، ریلی کے راستے میں جگہ جگہ استقبالیہ کیمپ بھی لگائے جائیں گے، مسلم ٹاؤن موڑ پر بڑا استقبالیہ کیمپ لگایا جائے گا۔

ن لیگی ذرائع نے کہا کہ اپوزیشن لیڈر حمزہ شہبازبھی مریم کے ہمراہ ریلی کی قیادت کریں گے۔

دوسری جانب مسلم لیگ ن کے رہنما رانا ثنا اللہ کا کہنا ہے کہ کل صبح 9بجے پی ڈی ایم قائدین نیب آفس روانہ ہوں گے، تمام کارکنان کل ظلم وجبر کےخلاف مریم نواز کے ساتھ ہوں گے۔

ن لیگی رہنما نے مزید کہا کہ پی ڈی ایم کی تمام جماعتیں پرامن سیاست پر یقین رکھتی ہیں،پی ڈی ایم کا نعرہ ہے ووٹ کو عزت عوام کا مینڈیٹ قبول کرو، پی ڈی ایم مریم نواز سے اظہاریکجہتی کیلئے نیب آفس کےباہر جاناچاہتی ہے، ہم صرف پرامن آواز اٹھانے نیب آفس جائیں گے۔

Comments

یہ بھی پڑھیں