شہباز شریف اپوزیشن کے وزارتِ عظمیٰ کے امیدوار ہوں گے، ن لیگ ڈٹ گئی -
The news is by your side.

Advertisement

شہباز شریف اپوزیشن کے وزارتِ عظمیٰ کے امیدوار ہوں گے، ن لیگ ڈٹ گئی

لاہور: پاکستان مسلم لیگ (ن) اپنے فیصلے پر ڈٹ گئی ہے کہ شہباز شریف ہی اپوزیشن کی طرف سے وزارتِ عظمیٰ کے لیے امیدوار ہوں گے۔

تفصیلات کے مطابق مسلم لیگ (ن) نے فیصلہ کیا ہے کہ پیپلز پارٹی کو قائل کرنے کی آخری وقت تک کوشش کی جائے گی کہ وہ وزارتِ عظمیٰ کے لیے شہباز شریف کی حمایت کرے۔

ن لیگ کی قیادت نے فیصلہ کیا ہے کہ اگر پی پی نے ساتھ نہ دیا تو بھی عمران خان کے لیے میدان خالی نہیں چھوڑا جائے گا، جب کہ پنجاب میں بھی اسپیکر اور ڈپٹی اسپیکر کے انتخاب میں بھرپور حصہ لیا جائے گا۔

ذرائع کا کہنا ہے کہ حمزہ شہباز شریف نے تمام منتخب ارکان اسمبلی کو حاضری یقینی بنانے کی ہدایت جاری کر دی ہے۔

شہباز شریف کو وزارتِ عظمیٰ کے لیے ووٹ نہیں دیں گے، چوہدری منظور

واضح رہے کہ پاکستان پیپلز پارٹی کے ترجمان چوہدری منظور نے کہا ہے کہ پیپلز پارٹی شہباز شریف کو وزارتِ عظمیٰ کے لیے ووٹ نہیں دے گی۔ ان کا کہنا تھا کہ ن لیگ کو 3 دن پہلے اپنے تحفظات سے آگاہ کر دیا تھا۔

وفاق کے بعد پنجاب میں بھی ن لیگ کی مشکل میں اضافہ، پیپلز پارٹی کا حمایت سے انکار

دوسری طرف پی پی کے صوبائی پارلیمانی رہنما حسن مرتضیٰ نے بھی کہا ہے کہ پیپلز پارٹی نے ن لیگ کو پنجاب میں اسپیکر اور ڈپٹی اسپیکر کے لیے ووٹ نہ دینے کا فیصلہ کر لیا ہے۔

Comments

comments

یہ بھی پڑھیں