لاہور : مسلم لیگ ن کے رہنما احسن اقبال نے ’’ٹک ٹاک‘‘پر سے پابندی ہٹانے کا مطالبہ کردیا اور سوال کیا عمران خان کی حکومت نےپاکستان میں ٹک ٹاک پرکیوں پابندی لگائی؟
تفصیلات کے مطابق مسلم لیگ ن کے رہنما احسن اقبال نے سماجی رابطے کی ویب سائٹ ٹوئٹر پر اپنے پیغام میں کہا کہ بھارت اور امریکا نے چین کیخلاف بطور پابندی اقدام ٹک ٹاک پرپابندی لگائی جس کی وہ مذمت کرتے ہیں۔
انہوں نے سوال کیا کہ عمران خان کی حکومت نےپاکستان میں ٹک ٹاک پرکیوں پابندی لگائی؟ ہم اس کی مذمت کرتے ہیں۔ اور اس کی بحالی کا مطالبہ کرتے ہیں۔
India and USA banned Chinese app TikTok as a sanction measure against China. Why has Imran Khan govt banned TikTok in Pakistan? We condemn this action & demand its restoration. @zlj517 @CathayPak
— Ahsan Iqbal (@betterpakistan) October 9, 2020
یاد رہے پاکستان ٹیلی کمیونیکیشن اتھارٹی نے چین کی مشہورویڈیوشیئرنگ ایپ ٹک ٹاک پر پابندی عائد کردی تھی اور کہا تھا کہ غیراخلاقی مواد روکنے کا موثر میکنزم نہ بنانے پر ٹک ٹاک موبائل ایپلی کیشن کو تمام نیٹ ورک پر بند کرنے کا فیصلہ کیا گیا، موبائل فون کمپنیوں کو بھی ہدایت جاری کر دی گئی۔
ٹک ٹاک پرپابندی کو شہریوں نے ملے جلے ردعمل کا مظاہرہ کیا ہے ، ٹک ٹاک پاکستان میں جنون کی حدتک مقبول ہوگئی تھی، یہ جنون کئی حادثات کا بھی سبب بنا بتایا جارہا ہے۔
وزیراعظم عمران خان بھی ٹک ٹاک پرپابندی کے حق میں تھے، وزیراعظم پورٹل پر بھی شہریوں کی جانب سے ٹک ٹاک پرپانبدی کی درخواست کی جارہی تھی۔
