اسلام آباد : مسلم لیگ ن کے رہنما ملک احمدخان کا کہنا ہے کہ نوازشریف کی سرجری 24فروری کوہوگی، میڈیکل تاریخوں کےبعدشہبازشریف آنےکافیصلہ کریں گے، نواز شریف سے ملنے کوئی گیا تھا لیکن میں نہیں جانتا۔
تفصیلات کے مطابق اے آر وائی نیوز کے پروگرام ‘سوال یہ ہے’ میں مسلم لیگ ن کے رہنما ملک احمدخان نے گفتگو کرتے ہوئے کہااپوزیشن لیڈرکابہت کلیدی کردارہوتاہے ، نیب عدالت میں شہبازشریف کی حاضری سےاستثنیٰ کی درخواست دی تھی، نیب عدالت نےہماری درخواست کومستردکردیاتھا.
ملک احمدخان کا کہنا تھا کہ شہبازشریف 4ہفتےعلاج کیلئےمصروف رہے، وہ وطن واپس ضرورآئیں گے ، نوازشریف کی سرجری 24فروری کوہوگی، میڈیکل تاریخوں کےبعدشہبازشریف آنےکافیصلہ کریں گے۔
نواز شریف کی پر اسرارشخص کی ملاقات کے حوالے سے مسلم لیگ ن کے رہنما نے کہا میں نے سنا تھا کہ نوازشریف سے ملنے کوئی گیاتھالیکن میں نہیں جانتا، نوازشریف سے ملنےکوئی معمول کےمطابق آیاہوگا۔
ان کا کہنا تھا کہ الیکشن کمیشن اوردیگرمعاملات میں وزیراعظم اوراپوزیشن لیڈرکی مشاورت ہوتی ہے، شہبازشریف واپس آکر بطور اپوزیشن لیڈر بھرپور کردار ادا کریں گے، ہم یہی چاہتے ہیں شہباز شریف ہی آکراپوزیشن لیڈرکاکرداراداکریں۔
ملک احمدخان نے مزید کہا کہ ماضی میں ن لیگ اورپی پی میں بہت تصادم کی سیاست رہی، مجھےنہیں پتہ کہہ بلاول صاحب نے یہ سب کیوں کہا، میاں صاحب کی بیماری سےمتعلق سب جانتے ہیں، نوازشریف کاباہربیماری کی بنیادپرہی تھا۔
مزید پڑھیں : نوازشریف سے پراسرار شخص کی خفیہ ملاقات کے بعد کھلبلی مچ گئی
ن لیگی رہنما کا کہنا تھا کہ سوشل میڈیاکااستعمال بہت منفی بھی ہوتاہے، سوشل میڈیاکوریگولیٹ کرناچاہئے، ریگولیٹ کرنےسےیہ تاثرنہیں جاناچاہئےکہ آزادی اظہارکوخطرہ ہو، اداروں کےدرمیان محاذآرائی نہیں ہونی چاہئے۔
خیال رہے لندن کےایون فیلڈ میں نواز شریف سے پر اسرارشخص کی ملاقات ہوئی تھی ، پاکستانی نژاد برطانوی صحافی نے دعویٰ کیا تھا کہ پراسرار شخص کو شہباز شریف ملاقات کے لیے لائے تھے۔
