گجرانوالہ: پاکستان مسلم لیگ ن کے صدر شہباز شریف نے نگراں حکومت اور الیکشن کمیشن پر الزامات کی بارش کردی، کہا صرف ن لیگیوں کے خلاف پرچے کاٹے جا رہے ہیں۔
تفصیلات کے مطابق ضلع گجرانوالہ کے قصبے علی پور چھٹہ میں عوامی جلسے سے خطاب کرتے ہوئے شہباز شریف نے کرپشن کیس میں پکڑے گئے مجرم نواز شریف کا بھر پور دفاع کیا۔
ن لیگی رہنما نے کہا ’نگراں حکومت صرف ن لیگ کے خلاف پرچے کاٹ رہی ہے، اربوں روپے لوٹنے والوں کو کوئی پوچھنے والا نہیں ہے۔‘
شہباز شریف کا کہنا تھا کہ ن لیگ کے رہنماؤں کی قومی احتساب بیورو (نیب) میں روز روز پیشیاں ہو رہی ہیں، دوسری طرف اربوں روپے لوٹنے والوں کو کوئی نہیں پوچھ رہا۔
پنجاب پاور کمپنی اسکینڈل: شہبازشریف نے نیب میں طلبی کا نوٹس ہوا میں اڑا دیا
شہباز شریف نے الیکشن کمیشن کو تنقید کا نشانہ بناتے ہوئے کہا ’انتخابی ضابطۂ اخلاق کی خلاف ورزیوں پر الیکشن کمیشن کٹھ پتلی بنا ہوا ہے۔‘
انھوں نے کہا 13 جولائی پاکستان کی تاریخ کا سیاہ دن تھا، نواز شریف نے بہادری دکھائی اور پاکستان واپس آئے۔ خیال رہے کہ تیرہ جولائی بہ روز جمعہ سابق وزیر اعظم نواز شریف ایون فیلڈ ریفرنس میں گرفتاری دینے پاکستان آئے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
