اسلام آباد : لیگی رہنما اور بعض حلقوں نے عطا تارڑ کو وفاقی وزارت اطلاعات سے ہٹانے کا مطالبہ کردیا۔
تفصیلات کے مطابق مسلم لیگ ن کے چند رہنما اور بعض قریبی حلقے عطا تارڑ کی کارکردگی سے ناخوش ہیں۔
ذرائع کا کہنا ہے کہ لیگی رہنما اور بعض حلقوں نے ان کو وفاقی وزارت اطلاعات سےہٹانے کا مطالبہ کیا ہے۔
ذرائع نے بتایا کہ لیگی سینیٹر طلال چوہدری کو وفاقی حکومت میں اہم ذمہ داری دی جاسکتی ہے تاہم حنیف عباسی دوڑمیں شامل ہیں۔
ذرائع کے مطابق حتمی فیصلے کے لیے معاملہ نواز شریف کو بھیجا گیا ہے، نواز شریف فیصلے سے پہلے وزیراعظم شہباز شریف سے مشورہ کریں گے۔
