اسلام آباد : مخصوص نشستوں کے کیس کے فیصلے سے متاثرہ تین لیگی ارکان نے سپریم کورٹ میں نظرثانی کی درخواست دائر کردی۔
تفصیلات کے مطابق مسلم لیگ ن کے 3 ارکان نے مخصوص نشستوں کے کیس کے فیصلے پر نظرثانی درخواست دائرکردی، ہما اختر چغتائی، ماہ جبین عباسی اور سیدہ آمنہ بتول نے سپریم کورٹ میں درخواست دائر کی۔
درخواست میں موقف اختیار کیا گیا کہ پورا کیس سنی اتحاد کونسل کی مخصوص سیٹوں سے متعلق تھا، پارٹی تبدیلی کیلئے 15 دن دینا آئین دوبارہ تحریرکرنے کے مترادف ہے۔
درخواست میں مزید کہا گیا کہ قانون میں طےکردہ اصول سے ہٹ کر نیا طریقہ نہیں اپنایا جاسکتا، استدعا ہے کہ 12 جولائی کے مختصر اکثریتی فیصلے کو کالعدم قراردیا جائے۔
درخواست میں سنی اتحاد کونسل اورالیکشن کمیشن سمیت دیگر کو فریق بنایا گیا ہے۔
