فیصل واوڈا نے کہا ہے کہ ن لیگ کا سافٹ ویئراپ ڈیٹ ہوگیا ہے، مریم نوازکے جلسے میں 500 لوگ بھی نہیں تھے۔
تفصیلات کے مطابق تحریک انصاف کے سابق رہنما فیصل واوڈا نے انکشاف کیا ہے کہ پاکستان مسلم لیگ ن کا سافٹ ویئر اپ ڈیٹ ہوچکا ہے۔ چیف آرگنائزر مریم نوازکے جلسے میں 500 لوگ نہیں تھے5 لاکھ لوگ مینار پاکستان کیسے آئیں گے۔
فیصل واوڈا کا کہنا تھا کہ نوازشریف کو واپس نہیں آنا چاہیے۔ 21 اکتوبر کو نوازشریف واپس آرہے ہیں اور23 کو ارشد شریف کی برسی ہے۔
انھوں نے کہا کہ ن لیگ کے ساتھ وہ ہونے والا ہے جس کے بعد یہ سیاست سے توبہ کریں گے۔ ن لیگ کے پاس ایک ہی راستہ ہے کہ نوازشریف واپس آکر جیل چلے جائیں۔
فیصل واوڈا کا مزید کہنا تھا کہ جیل میں جیلر تو ہوں گے ورنہ نوازشریف کے لیے کوئی رونے والا نہیں ہوگا۔ ن لیگ آئین و قانون کی حکمرانی کی بات کرتی ہے، عمران ریاض کے ساتھ جو کچھ ہوا شہباز شریف کی حکومت تھی۔
انھوں نے کہا کہ ارشد شریف کا جس دن قتل ہوا، مریم نواز نے جو ٹوئٹ کی ان کو شرم آنی چاہیے۔ ایک آدمی اگر آپ کا مخالف بھی ہے تو بھی ایسی ٹوئٹ نہیں کرنی چاہیے تھی۔
