لاہور : مسلم لیگ ن کی سپورٹر خاتون نے پارٹی کے رویے سے دلبرداشتہ ہوکر تحریک انصاف میں شمولیت اختیار کرلی۔
تفصیلات کے مطابق گزشتہ دنوں مریم نواز کے بہاولپور میں ہونے والے جلسے میں احتجاج کرنے والی خاتون زمان پارک پہنچ گئی۔
خاتون نے مریم نواز کےجلسے میں خود کے ساتھ ہونے والی بدسلوکی پر شدید احتجاج کیا تھا، مذکورہ خاتون نے زمان پارک لاہور پہنچ کر باقاعدہ پی ٹی آئی میں شمولیت کا اعلان کیا
مریم نواز کی تقریر کے دوران بدنظمی پیدا ہونے پر خاتون کو اسٹیج پر بلالیا گیا تھا جس نے مریم نواز کے سامنے بدسلوکی پر اپنا احتجاج ریکارڈ کرایا تھا۔
اس موقع پر خاتون کا کہنا تھا کہ ن لیگ میں خواتین کی عزت نہیں کی جاتی، ان کا کہنا تھا کہ مریم نواز کے گارڈز نے مجھے تھپڑ مارے، میں اس کا بدلہ لوں گی ۔
