کراچی : اے آر وائی نیوز کے دفتر کے باہر مسلم لیگ ن کے کارکنان نے احتجاجی مظاہرہ کیا، مشتعل افراد نے ڈی ایس این جی وین پر لاتیں ماریں، ڈنڈے برسائے، اے آر وائی نیوز کے رپورٹر پر تشدد بھی کیا۔
اس موقع پر ن لیگی کارکنان نے اے آر وائی نیوز کے خلاف نعرے لگائے اور اے آر وائی نیوز کی ڈی ایس این جی وین پر لاتیں ماریں اور ڈنڈے برسائے۔
کارکنان نے اے آر وائی نیوز کے خلاف سخت نعرے لگائے جس میں کہا گیا ’’یہودیوں کا ایجنٹ اےآر وائی‘‘لیگی کارکنان نے اےآر وائی نیوز کے نمائندے چاند نواب کو زدوکوب بھی کیا۔
اس حوالے سے ملک بھر میں صحافیوں کی مختلف تنظیموں کی جانب سے اے آر وائی نیوز پر حملے کی شدید الفاظ میں پرزور مذمت کی گئی اور ملوث افراد کیخلاف قانونی کارروائی کا مطالبہ کیا گیا۔
PFUJ considers attack on ARY News as an attack on freedom of press.😡
If PML-N and the rulers do not stop harassing media persons and workers then nationwide movement will start.✍️👊🇵🇰 https://t.co/5WZf3wBlIo
— Lala Asad Pathan (@LalaAsadPathan) April 30, 2022
نائب صدرپی ایف یوجے لالہ اسد پٹھان نے کہا کہ ن لیگ کے غنڈوں کا اے آر وائی نیوز کی ٹیم حملہ قابل مذمت ہے رپورٹر پر تشدد دہشت گردی کے مترادف ہے۔
لالہ اسد پٹھان نے کہا کہ میڈیا کےاداروں اور ورکرز پر حملہ کھلی دہشت گردی ہے، سندھ حکومت فوری ن لیگی دہشت گردوں کو گرفتار کرے۔
نائب صدرپی ایف یوجے کا اپنے بیان میں کہنا تھا کہ اےآر وائی نیوز کو سچ دکھانے کی سزا دی جارہی ہے ، لیگی قائدین پہلے دن سے اے آر وائی نیوز کےخلاف زہر اگل رہے ہیں۔
This is not right! We are in the business of reporting !! New government new rules!!! 😔 #pfuj pic.twitter.com/2yCoCDFywF
— Salman Iqbal ARY (@Salman_ARY) April 30, 2022
انہوں نے کہا کہ میڈیا سمیت اداروں کو ہراساں کرنا ن لیگ کا وطیرہ رہا ہے، عدلیہ میڈیا کے اداروں اور صحافیوں پر تشدد کا نوٹس لے، اے آر وائی نیوز کے ساتھ ملک بھر کی صحافتی تنظیمیں کھڑی ہیں۔
علاوہ ازیں اے آر وائی نیٹ ورک کے صدر اور سی ای او سلمان اقبال نے دفتر کے باہر مظاہرے اور ملازمین پر تشدد کے واقعے پراظہار افسوس کیا ہے۔
سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ یہ سب ٹھیک نہیں ہوا ، رپورٹنگ کرنا ہمارا کام ہے نئی حکومت نئے قوانین۔
