نواز شریف کی رہائی پر پنجاب بھر میں کارکنوں کا جشن -
The news is by your side.

Advertisement

نواز شریف کی رہائی پر پنجاب بھر میں کارکنوں کا جشن

لاہور: سابق وزیرِ اعظم نواز شریف کی ایون فیلڈ ریفرنس میں ہائی کورٹ کی جانب سے ضمانت پر رہائی کے حکم کے بعد پنجاب میں ن لیگی کارکن جشن منانے لگ گئے ہیں۔

تفصیلات کے مطابق مسلم لیگ کے سربراہ نواز شریف، ان کی بیٹی مریم نواز اور داماد صفدر کی رہائی کی خوشی میں پنجاب کے مختلف شہروں میں لیگی کارکن جشن منا رہے ہیں۔

لاہور سمیت کئی شہروں میں اڈیالہ جیل کے تینوں سیاسی قیدیوں کی سزا معطلی پرلیگی کارکنان پُر جوش ہو گئے، ٹوبہ ٹیک سنگھ میں ن لیگ کے ضلعی دفتر میں کارکنان نے مٹھائی تقسیم کی۔

ضلع اوکاڑہ کی تحصیل رینالہ خورد میں نواز شریف، مریم اور صفدر کی رہائی پر ن لیگی کارکن جشن منا رہے ہیں، لیگی کارکنوں نے شہر بھر میں جگہ جگہ مٹھائی تقسیم کی۔

ضلع نارووال کے شہر شکر گڑھ میں بھی شریف خاندان کی رہائی پر ن لیگی کارکنوں جشن منا رہے ہیں، لیگی ایم پی اے مولانا غیاث الدین نے رہائی کی خوشی میں مٹھائی تقسیم کی۔


یہ بھی پڑھیں:  ایوان فیلڈ ریفرنس ، نوازشریف، مریم نواز، کپیٹن(ر)صفدر کی سزا معطل ، رہا کرنے کا حکم


واضح رہے کہ نواز شریف کی رہائی کے سلسلے میں بڑی تعداد میں کارکنان ایک طرف اڈیالہ جیل کے باہر جمع ہو چکے ہیں، دوسری طرف جاتی امرا میں بھی بہت بڑی تعداد اکھٹی ہوگئی ہے۔

آج اسلام آباد ہائی کورٹ میں سابق وزیرِ اعظم نواز شریف، مریم نواز اور کیپٹن ر صفدر کی سزا معطلی کی درخواستوں پر سماعت ہوئی، ہائی کورٹ نے ایون فیلڈ ریفرنس میں تینوں قیدیوں کی سزائیں معطل کرتے ہوئے انھیں رہا کرنے کا حکم دیا۔

Comments

comments

یہ بھی پڑھیں