لاہور : مسلم لیگ ق نے تحریک انصاف کو لانگ مارچ کی تاریخ فوری نہ دینے کا مشورہ دے دیا اور کہا ضروری بھی ہو تو ایک ماہ کے بعد کی تاریخ دیں۔
تفصیلات کے مطابق تحریک انصاف کے رہنما شاہ محمود قریشی کی مسلم لیگ ق کے رہنماؤں سے ملاقات کا احوال سامنے آگیا ، ذرائع نے کہا ہے کہ ق لیگ نے شاہ محمود قریشی کو لانگ مارچ کی تاریخ فوری نہ دینے کا مشورہ دے دیا۔
ذرائع چوہدری پرویزالہٰی نے کہا کہ ابھی کچھ روز کے لیے لانگ مارچ نہ کریں اور ضروری بھی ہو تو ایک ماہ کے بعد کی تاریخ دیں ، جولائی میں ضمنی انتخاب کےبعد لانگ مارچ بہتر ہوگا۔
جس پر ذرائع شاہ محمود قریشی کا کہنا تھا کہ خان صاحب تو فوری لانگ مارچ کرنا چاہتےہیں، آپ کی تجویز پر عمران خان،پارٹی رہنماؤں سےمشاورت کریں گے۔
یاد رہے گذشتہ روز تحریک انصاف کے رہنما شاہ محمود قریشی کی مسلم لیگ ق کے رہنما پرویز الہی سے ملاقات ہوئی تھی ، جس میں موجودہ سیاسی صورتحال سمیت لانگ مارچ کے حوالے سے تبادلہ خیال کیا گیا۔
بعد ازاں شاہ محمودقریشی کی زیرصدارت پنجاب پارٹی تنظیم کااجلاس ہوا تھا ، جس میں پی ٹی آئی رہنما نے کہا تھا کہ 25 مئی پاکستان اور پنجاب کی تاریخ کا سیاہ دن تھا، کارکنوں کے گھروں پر چھاپے اور خواتین کو ہراساں کیا گیا،اتنی پولیس گردی آمریت کےدورمیں نہیں ہوئی۔
شاہ محمودقریشی نے ہدایت کی کہ لانگ مارچ کی تیاریاں تیز کریں، ضمنی الیکشن ہونے جارہے ہیں، پی ٹی آئی بھرپورحصہ لے گی۔
