The news is by your side.

Advertisement

"وزیراعظم پی ٹی آئی والوں کو کہہ دیں، گھبرانا نہیں”

اسلام آباد: مسلم لیگ (ن) اور مسلم لیگ (ق) کے درمیان بائیس سال بعد ہونے والی سیاسی رابطے نے ہلچل مچادی ہے، ایسے میں وفاقی وزیر مونس الہیٰ نے حکمران جماعت کو بڑا پیغام دے دیا ہے۔

تفصیلات کے مطابق اسلام آباد میں ہائیڈرو پاور ڈویلپمنٹ کے حوالے سے منعقدہ عالمی سمپوزیم سے خطاب کرتے ہوئے وفاقی وزیر برائے آبی وسائل نے وزیراعظم کی موجودگی میں کہا کہ ہم سیاسی لوگ ہیں ، ہمارے سیاسی تعلقات ہیں، لوگوں سے ملنا ہمارا کام ہے جو ہمارے گھر آئے انہیں خوش آمدید کہتے ہیں۔

وفاقی وزیر آبی وسائل مونس الہی نے وزیراعظم عمران خان کو مخاطب کرتے ہوئے کہا کہ ہمارا آپ سے ایک تعلق ہے اور وہ نبھانے کے لئے ہے، ایک بارپی ٹی آئی والوں کو تگڑے طریقےسےکہہ دیں ‘گھبرانا نہیں’۔

تقریب سے خطاب کرتے ہوئے مونس الہیٰ نے اعلان کیا کہ بہت جلد کالا باغ ڈیم کا پروپوزل لےکر کابینہ میں جائیں گے۔

بعد ازاں اپنے ٹوئٹ میں وفاقی وزیر نے لکھا کہ کالاباغ ڈیم کی تعمیر ناگزیر ہے، موجودہ ڈیموں کی سلٹنگ کی وجہ سے پانی جمع کرنے کی صلاحیت میں شدید کمی ہے، جو کالاباغ ڈیم کم سے کم وقت میں بن کر پورا کرے گا، اس معاملے پر سب کو ساتھ لے کر چلیں گے۔

Comments

یہ بھی پڑھیں