site
stats
پاکستان

پاناما فیصلے پر نظر ثانی، ن لیگ کی درخواست کا خدوخال تیار

Panama JIT

اسلام آباد: پاناما فیصلے کے خلاف مسلم لیگ ن نے نظر ثانی درخواست کے بنیادی خدوخال تیار کرلیے۔

ذرائع کے مطابق مسلم لیگ ن کی جانب سے تیار کردہ نظر ثانی درخواست کو فل کورٹ میں لگانے کی استدعا کی جائے گی جبکہ سپریم کورٹ کے تین رکنی بینچ کی جانب سے دیا جانے والا پاناما فیصلہ بھی چلینج کیا جائے گا۔

ن لیگ کی جانب سے تیار کی جانے والی نظر ثانی درخواست میں عدالت سے استدعا کی جائے گی کہ جو بینچ درخواست کی سماعت کرے اُس میں جسٹس کھوسہ اور جسٹس گلزار کو شامل نہ کیا جائے۔

درخواست میں مؤقف اختیار کیا جائے گا کہ لارجر بینچ نے 3 رکنی بینچ کا فیصلہ عدالتی حکم کے طور پر سنایا تاہم پاناما کا فیصلہ جس بنیاد پر کیا گیا وہ تسلیم شدہ حقائق نہیں ہیں کیونکہ تنخواہ وصول کرنے کا معاملہ تسلیم شدہ حقائق کے زمرے میں نہیں آتا اور ٹیکس قوانین کے مطابق تنخواہ صرف وصول شدہ رقم کو ہی کہا جاتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top