لاہور: مسلم لیگ ن کی رہنما عظمیٰ بخاری فوج سے بغض میں تمام حدیں پار کرگئیں۔
اے آر وائی نیوز کی رپورٹ کے مطابق مسلم لیگ ن کی رہنما عظمیٰ بخاری نے پلواما واقعے میں ہلاک بھارتی فوجیوں کو شہید قرار دے دیا۔
عظمیٰ بخاری نے کہا کہ پلواما واقعے میں 40 بھارتی فوجی شہید ہوئے، ان کا کہنا تھا کہ پلواما واقعے کو ایک وفاقی وزیر نے اپنے حصے میں ڈال دیا۔
تجزیہ کار اعجاز اعوان کا کہنا تھا یہ لوگ صرف نواز شریف کی بے گناہی ثابت کرنے کے لیے اس طرح کی باتیں کررہے ہیں کل یہ کہہ دیں گے کہ زبان پھسل گئی تھی۔
انہوں نے کہا کہ ان لوگوں کو چاہئے کہ یہ اپنی زبان بند رکھیں تو زیادہ بہتر ہے ۔
یاد رہے کہ مقبوضہ کشمیر میں بھارتی فوج کے ایک قافلے کو نشانہ بنایا گیا تھا، جس میں 46 فوجی ہلاک ہو ئے تھے جس کے بعد بھارت نے واویلا مچاتے ہوئے پاکستان پر الزام عائد کردیا تھا۔
بعد ازاں بھارتی فوج نے ضلع پلواما میں آپریشن کے نام پر بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا جبکہ مسلمانوں کو املاک کو بھی نذر آتش کیا گیا تھا۔
پاکستان کا کہنا تھا کہ بھارت کے پاس پلواما حملے سے متعلق کسی قسم کے کوئی شواہد ہیں تو پاکستان تعاون کے لیے تیار ہے مگر مودی سرکار نے الزام لگانے کے علاوہ پاکستان سے کوئی تعاون نہیں کیا۔
