تازہ ترین

‘کسی دباؤ پر عمران خان کا ساتھ نہیں چھوڑیں گے’

مسلم لیگ ق کے سینٹر کامل علی آغا نے دوٹوک کہا ہے کہ کسی دباؤ پر عمران خان کا ساتھ نہیں چھوڑیں گے کوئی شبہ نہیں ہمارے 10 ارکان عمران خان کے ساتھ کھڑے رہیں گے۔

اے آر وائی نیوز کے پروگرام سوال یہ ہے میں گفتگو کرتے ہوئے کامل علی آغاز نے کہا کہ مونس الٰہی کےخلاف تحقیقات دباؤڈالنےکےہتھکنڈےہیں ن لیگ والےدھمکاتےہیں،خریدتےہیں یا بندے کو مروا دیتے ہیں ماضی میں بھی ایسے ہتھکنڈےاستعمال کیےگئے۔

کامل علی آغا نے کہا کہ پرویزالٰہی اور مونس الٰہی ماضی میں سرخروہوئےآئندہ بھی ہوں گے چوہدری برادران کی فیملی میں تقسیم نہیں آسکتی وقتی باتیں ہیں خاندان یک جان رہے گا۔

انہوں نے واضح کیا کہ چوہدری فیملی میں تقسیم کی خواہش رکھنےوالوں کو مایوسی ہوگی دونوں بھائی یک جان دو قالب ہیں ہمیشہ دیکھاچوہدری شجاعت فیصلےسے پہلے پرویزالہٰی سےمشاورت کرتے چوہدری سالک کی موجودگی میں مونس کےخلاف انکوائری باعث تشویش ہے۔

ان کا کہنا تھا کہ ایف آئی اے پر اتنا دباؤ ڈالا گیاکہ ایک ایماندارافسرجان سےگیا مونس الٰہی کے خلاف تحقیقات میں کچھ نہیں نکلےگا انہوں نےدباؤ ڈالنےکی کوشش کی توعدالتیں موجودہیں مونس الٰہی نےردعمل دےدیا،پارٹی کی جانب سے بھی آئےگا پرویزالٰہی کی ہدایت ہےکہ ہم عمران خان کےساتھ چلیں گے کسی دباؤ پر عمران خان کا ساتھ نہیں چھوڑیں گے کوئی شبہ نہیں ہمارے 10 ارکان عمران خان کے ساتھ کھڑے رہیں گے۔

Comments

- Advertisement -