وزیراعظم عمران خان نے آج قوم سے خطاب کا فیصلہ مؤخر کر دیا۔
تحریک انصاف کے سینیٹر فیصل جاوید ٹوئٹر پر جاری پیغام میں وزیراعظم کے قوم سے خطاب مؤخر کرنے سے فیصلے آگاہ کیا۔
انہوں نے ٹوئٹر پر لکھا کہ وزیراعظم عمران خان کا آج قوم سے خطاب موخر ہو گیا ہے۔
وزیراعظم عمران خان کا آج قوم سے خطاب موخر ہو گیا ہے-
— Faisal Javed Khan (@FaisalJavedKhan) March 30, 2022
اس سے قبل فیصل جاوید نے ٹوئٹ کیا تھا کہ وزیراعظم عمران خان آج شام قوم سے خطاب کریں گے، وزیراعظم عمران خان اپنی قوم کے لیے ڈٹ کر کھڑے ہیں اور انشاء اللہ فتح پاکستان کی ہے – قتح اس قوم کی ہے فتح کپتان کی ہے۔
وفاقی وزیر داخلہ شیخ رشید کا کہنا تھا کہ وزیراعظم آج شام کو قوم سے خطاب کریں گے، سوال ہی پیدا نہیں ہوتا کہ عمران خان استعفیٰ دیں، وزیراعظم عمران خان آخری بال تک لڑے گا، اتوار کے روز ووٹنگ پر کپتان آخری گیند تک لڑے گا۔
