پرانا پاکستان واپس آگیا! وزیراعظم شہبازشریف کے ساتھ لاؤلشکر بھی سعودی عرب پہنچےگا۔
ذرائع کے مطابق وزیراعظم کا دورہ سعودی عرب میں شریف خاندان کے16 افراد بھی ساتھ ہوں گے۔ اس حوالے سے دفترخارجہ نے سعودیہ میں پاکستانی سفارتخانےکو تیاریوں کی ہدایت کر دی ہے۔
دفترخارجہ نےشریف خاندان کےلوگوں کی فہرست سفارتخانےکوبھیج دی ہے۔ اسلام آبادسےحمزہ شہباز ، اہلیہ، بیٹی اور ملازمہ بھی ساتھ سعودی عرب جائیں گے جب کہ مریم نواز، صفدر، صبیحہ عباس، یوسف عباس، اہلیہ، بیٹا بھی ساتھ جائیں گے۔
ذرائع کے مطابق شہبازشریف کے بیٹے سلیمان شہباز، اہلیہ، بیٹا اور ملازمہ دوحہ سےجدہ پہنچیں گے۔ نوازشریف کے بیٹے حسین نوازاوراہلیہ لندن سےجدہ پہنچیں گے۔
وزیراعظم اپنےساتھ پارٹی سربراہوں سمیت 16 اتحادی ممبران کو بھی لےجائیں گے۔ فضل الرحمان، اسعدمحمود، بلاول بھٹو، شگفتہ جمانی، اخترمینگل، خالدمگسی، خالدمقبول، امیرہوتی، شاہ زین بگٹی، اسلم بھوتانی، علی نواز شاہ، محسن داوڑ، محموداچکزئی، عبدالمالک بلوچ اور شاہ اویس نورانی بھی شہبازشریف کیساتھ جائیں گے۔
عمران خان کےسابق معاون خصوصی طاہراشرفی بھی شہبازشریف کیساتھ جائیں گے۔ وزیراعظم کے15اسٹاف ممبران بھی سعودی عرب ساتھ جائیں گے جب کہ سابق ڈی جی ایل ڈی اےاحدچیمہ اوراہلیہ بھی ساتھ جائیں گے۔
شہبازشریف کے اسٹاف ممبران میں 2ڈرائیور بھی ساتھ ہوں گے۔ وزیراعظم کےدورےمیں ساتھ مزید 12 افراد کو اسٹینڈبائی لسٹ میں بھی رکھاگیاہے۔
دوسری جانب سابق وزیراعظم نواز شریف کو پاسپورٹ جاری کردیا گیا۔ نواز شریف کو جاری کردہ پاسپورٹ کی مدت 10 سال ہے جو ترجیحی بنیاد پر عام کیٹیگری میں جاری کیا گیا ہے۔
