کراچی : پولیس اور حساس ادارے کی مشترکہ کارروائی میں ایم ڈی کے ای ایس سی شاہد حامد قتل کیس کا چوتھا مرکزی ملزم محبوب عرف شہزادے کو گرفتار کرلیا۔

تفصیلات کےمطابق حساس ادارے اور پولیس کی مشتر کہ ٹیم نےملزم محبوب عرف شہزادے کو کوٹری سے گرفتار کیا،ملزم نےصولت مرزااور منہاج قاضی کےساتھ مل کر ایم ڈی کے ای ایس سی شاہد حامد کوقتل کیا تھا۔

دوسری جانب سی ٹی ڈی پولیس نے قصبہ کالونی سے قتل اور اقدام قتل میں ملوث ملزم عمران عرف ماما کوگرفتارکرلیا۔

پولیس حکام کےمطابق ملزم عمران ماما نے کئی وارداتوں کا انکشاف کیا ہے،ملزم کی نشاندہی پرزیرزمین چھپایا گیا اسلحہ بھی برآمد کرلیا گیا۔

ادھر کراچی کے علاقےکورنگی انڈسٹریل ایریا میں پولیس نے کارروائی کرکے تین ملزمان کو گرفتار کرکے اسلحہ اور چھینی گئی رقم برآمد کرلی۔

جوہرآباد اور شارع نورجہاں پولیس نے بھی کارروائی کے بعد دوملزمان کو گرفتار اسلحہ اورموبائل فونز برآمد کرلیے۔

کراچی میں رینجرز اور پولیس کی کارروائیاں‘ 5 افراد گرفتار

واضح رہے کہ گزشتہ روز کراچی کے مختلف علاقوں میں رینجرز اور پولیس نے کارروائیوں کے دوران چار ٹارگٹ کلرز سمیت پانچ ملزمان کو گرفتار کرلیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔