کراچی : سائٹ سپرہائی وے پولیس کے ہاتھوں گرفتار ملزم انتہائی مطلوب ٹارگٹ کلر نکلا، ملزم ثناء اللہ بروہی پولیس افسراور پروفیسر کے قتل میں ملوث ہے۔

تفصیلات کے مطابق کراچی میں سائٹ سپرہائی وے پولیس نے کارروائی کے دوران ایک ملزم کو گرفتار کرکے کلاشنکوف، پستول اور 4 کلوسے زائد منشیات برآمد کرلی۔

ایس ایس پی ایسٹ قمر جسکانی نے بتایا گرفتار ملزم انتہائی مطلوب ٹارگٹ کلر ہے اور ثنااللہ بروہی پولیس افسراورپروفیسر کے قتل میں ملوث ہے۔

قمرجسکانی کا کہنا تھا کہ ملزم نے2020میں گلشن معمارکےسب انسپکٹرکوشہیدکیا اور ڈکیتی مزاحمت پرسندھ یونیورسٹی کےپروفیسرزین العابدین کوقتل کیا۔

ایس ایس پی ایسٹ نے بتایا کہ ملزم ثنااللہ ڈکیتی کی 150سےزائدوارداتوں میں ملوث ہے جبکہ ڈکیتی مزاحمت پر کئی شہریوں کو زخمی بھی کرچکا ہے۔

قمرجسکانی نے کہا کہ ملزم کیخلاف سی ٹی ڈی سمیت مختلف تھانوں میں مقدمات درج ہیں۔