احمد پورشرقیہ: پولیس نے قدیمی شہروں کی کھدائی کر کے نوادرات چوری کرنے والے 3 ملزمان کو گرفتار کرلیا۔

تفصیلات کے مطابق چولستان میں نوادرات چوری ہونے لگے ، قدیمی غرق شدہ شہروں کی غیر قانونی طور پر کھدائی کا سلسلہ جاری ہے۔

پولیس نے قدیمی بستی عظیم والی اورسدھو والا میں کھدائی کے دوران چھاپہ مارا، جن کے بارے میں کہا گیا کہ وہ ڈوب کر غائب ہو گئے ہیں۔

حکام کے مطابق چھاپے کے دوران قدیمی شہروں کی غیر قانونی کھدائی کرنے والے 3 ملزمان کو گرفتار کرکے ان کے خلاف مقدمہ درج کر لیا ہے۔

مقدمہ آثار قدیمہ کےافسرکی مدعیت میں تھانہ ڈراورمیں درج کیا گیا ، ایس ڈی او اثار قدیمہ نے بتایا کہ غیر قانونی کھدائی کا کام کئی دنوں سے جاری تھا ،چولستان میں 400کےقریب قدیمی مقامات موجود ہیں۔

چولستان جو کبھی ایک نفیس اور پھلتی پھولتی تہذیب کا مرکز تھا اب صحرا میں کھنڈرات کی صورت میں موجود ہے، یہ صحرائی علاقہ 26,300 مربع کلومیٹر کے رقبے پر پھیلا ہوا ہے۔