The news is by your side.

Advertisement

لاہور : کمسن بچے کو اغوا کرنیوالی 2 خواتین گرفتار، مغوی بازیاب

لاہور: پولیس نے کمسن بچے کو اغوا کرنیوالی 2خواتین کو گرفتار کرکے بچےکوبازیاب کرالیا، خواتین کمسن شمعون کو ورغلا پھسلا کر اپنے ساتھ لے گئیں تھیں۔

تفصیلات کے مطابق لاہور میں غالب مارکیٹ کے علاقے میں کمسن بچے کو اغوا کرنیوالی 2خواتین کو گرفتار کرلیا گیا ، پولیس کا کہنا ہے کہ خواتین کمسن شمعون کو ورغلا پھسلا کر اپنے ساتھ لے گئیں تھیں۔

واقعے کی سی سی ٹی وی فوٹیج بھی سامنے آئی ، جس میں خواتین کو بچےکوساتھ لےجاتے دیکھا جا سکتا ہے، جس کے بعد پولیس نے ملزمہ سائرہ اور کرن کو گرفتار کر کے بچےکوبازیاب کرالیا۔

پولیس نے بچے شمعون کو باحفاظت والدین کے حوالے کردیا گیا ہے اور دونوں خواتین سے تفتیشی جاری ہے۔

یاد رہے ملزمہ سائرہ اور کرن نے کمسن شمعون کو گزشتہ رات غالب مارکیٹ سے اغوا کیا تھا۔

Comments

یہ بھی پڑھیں