کراچی : شاہراہ فیصل پر پولیس چیف کے دفتر پر ہونے والے حملے کے حوالے سے تازہ ترین اطلاعات کے مطابق حملہ آوروں کی تعداد دس سے زائد ہے۔
تفصیلات کے مطابق کے پی او میں محصور پولیس افسر نے اپنے ساتھی حکام کو پیغام دیا ہے کہ مسلح حملہ آوروں کی تعداد بہت زیادہ ہے اور وہ گروپ کی شکل میں ہیں۔
پولیس افسر کے مطابق حملہ آوروں کی تعداد10سےزائد ہے، اس نے بتایا کہ مسلح افراد کی جانب سے فائرنگ کا سلسلہ ابھی بھی جاری ہے۔
تازہ ترین اطلاعات کے مطابق رینجرز اور پولیس کی بھاری نے پولیس چیف آفس کو گھیرے میں لے لیا ہے۔ کے پی او کےعقب میں مشکوک گاڑی موجود ہونے ہر اہلکار الرٹ ہوگئے، مشکوک گاڑی کوچیک کرنےکےلیےبی ڈی ایس کو طلب کرلیا گیا۔
پولیس کے مطابق حملہ آوروں اور پولیس رینجرز کے درمیان فائرنگ کا تبادلہ جاری ہے، حملہ آور جدید اسلحے سے لیس ہیں، بڑے ہتھیاروں سے فائرنگ کررہے ہیں۔
ریسکیوذرائع کا کہنا ہے کہ پولیس دفتر پر حملے کے واقعے کا ایک زخمی جناح اسپتال منتقل کردیا گیا ہے،زخمی ساجد جس کی عمر25سال ہے، ایدھی مرکز کا رضاکار ہے جسے 2گولیاں لگی ہیں۔
