کراچی: امجد صابری قتل کیس میں اہم پیش رفت سامنے آئی ہے، قانون نافذ کرنے والے اداروں کو امجد صابری کیس میں تین مزید عینی شاہدین مل گئے ۔
زرائع کے مطابق تینوں عینی شاہدین نے مبینہ ٹارگٹ کلر کو شناخت بھی کرلیا ہے، زرائع کے مطابق گرفتار مبینہ ٹارگٹ کلر کی نشاندھی پرقانون نافذ کرنے والے اداروں نے مزید چار افراد کو حراست میں لیا ہے ۔
زرائع کے مطابق عینی شاہدین کو حفاظتی تحویل میں لیکر نامعلوم مقام پر منتقل کردیاگیا ہے، امجد صابری کیس میں قانون نافذ کرنے والے ادارے شواہد کی روشنی میں ملزمان کو گرفتار کرنے کیلئے دن رات کوششوں میں مصروف ہیں ۔
امجد صابری قتل کیس میں اہم پیشرفت، فائرنگ کرنیوالا ملزم گرفتار
ذرائع کا یہ بھی کہنا ہے کہ قانون نافذ کرنے والے ادارے ملزمان تک پہنچ گئے اورانہیں جلد گرفتار کرلیا جائے گا۔
گزشتہ روز مقتول امجد صابری کے قتل میں ملوث دوسرا ملزم بھی گرفتار کر لیا گیا تھا، مذکورہ ملزم امجد صابری کے قتل میں ملوث تھا جسے پہلے سے گرفتار ایک ملزم کی نشاندہی پرگرفتار کیا گیا تھا۔
امجد صابری قتل کیس : واردات میں ملوث دوسرا ملزم بھی پکڑا گیا
واضح رہے کہ آئی جی سندھ اے ڈی خواجہ نے امجد صابری کیس میں کامیابی کا دعویٰ کرتے ہوئے کہا تھا کہ ملزمان کے بہت قریب پہنچ چکے ہیں۔
آئی جی سندھ کا کہنا تھا کہ امجد صابری کوقتل کرنیوالے گروہ کا تعین ہو چکا ہے، چند روز میں امجد صابری کے قاتل قانون کی گرفت میں ہوں گے۔
