کراچی : شہر قائد کے علاقے کریم آباد میں ڈاکوؤں کی فائرنگ سے پولیس اہلکار جاں بحق جبکہ ایک شہری زخمی ہوگیا۔
تفصیلات کے مطابق کراچی کے علاقے کریم آباد میں ڈاکوؤں کی فائرنگ سے پولیس اہلکار عمران جاں بحق جبکہ شہری زخمی ہوگیا۔
ایس ایس پی عرفان بلوچ کا کہنا ہے کہ اہلکار عمران رہزنی کی واردات کو روکنے کی کوشش میں شہید ہوا۔
انہوں نے بتایا کہ علاقےمیں 2 پیدل ملزمان شہری سے موٹرسائیکل چھین رہے تھے، ہیڈ کانسٹیبل عمران نے ملزمان کوپکڑنے کی کوشش کی۔
عرفان بلوچ کے مطابق ملزمان کی فائرنگ سے پولیس اہلکارشہید اورشہری زخمی ہوا جبکہ ملزمان جائے وقوعہ سے فرار ہونے میں کامیاب ہوگئے۔
کراچی: پولیس کی مختلف علاقوں میں کارروائیاں‘ 5 ملزمان گرفتار
خیال رہے کہ دو روز قبل شہرقائد کے مختلف علاقوں میں پولیس نے کارروائیوں کے دوران 5 ملزمان کو گرفتار کرکے اسلحہ برآمد کیا تھا۔
ایس ایس پی ایسٹ کا کہنا تھا کہ ملزمان دہشت گردی، گھروں میں ڈکیتیوں میں ملوث ہیں اور ان کے قبضے سے 7 پستول، ایک نائن ایم ایم اور دیگر اسلحہ برآمد ہوا تھا۔
کراچی: ناظم آباد میں فائرنگ، دوا ساز کمپنی کا مینیجر جاں بحق
واضح رہے کہ گزشتہ ہفتے کراچی کے علاقے ناظم آباد میں واقع انڈر بائی پاس کے قریب نامعلوم افراد کی فائرنگ سے دوا ساز کمپنی کا مینیجراصغر جاں بحق ہوگیا تھا۔
