کراچی: شہر قائد میں پولیس اب جرائم کو روکنے کے لیے اسٹریٹ کرمنلز کو برقی کڑا لگا سکے گی، اس سلسلے میں ایک قانونی مسودہ تیار کر لیا گیا ہے۔
تفصیلات کے مطابق اسٹریٹ کرمنلز اور عادی مجرموں کو پکڑنے کا ایک بِل سندھ اسمبلی میں پیش کیا گیا ہے، جس کا مسودہ پارلیمانی کمیٹی کو بھیج دیا گیا ہے۔
بل کے مطابق چوری، ڈکیتی اور اقدام قتل کے ملزمان کو الیکٹرانک کڑا لگایا جائے گا، چھیننے، منشیات کے استعمال، فروخت میں ملوث عادی ملزمان کو بھی برقی کڑا لگایا جائے گا۔
- Advertisement -
بل میں بھتہ خوری سمیت دیگر جرائم کے عادی مجرموں کے خلاف سزاؤں میں اضافے کی تجویز بھی دی گئی ہے۔ بل میں کہا گیا ہے کہ متعلقہ عدالت کی منظوری سے پولیس عادی ملزمان کو برقی کڑا لگا سکے گی۔
