The news is by your side.

Advertisement

کراچی میں‌ پولیس مقابلہ، ڈاکو زخمی حالت میں‌ گرفتار، ساتھی ملزم فرار

کراچی : پولیس نے گلستان جوہر میں مقابلے کے بعد ڈاکو کو گرفتار کرکے مسروقہ سامان برآمد کرلیا۔

تفصیلات کے مطابق سندھ پولیس نے صوبائی دارالحکومت کراچی کے علاقے گلستان جوہر کے بلاک 7 میں عوام کو لوٹنے والے ڈاکووں کو گرفتار کرلیا۔

ذرائع کے مطابق پولیس اہلکاروں نے ملزم کو مقابلے کے بعد زخمی حالت میں گرفتار کیا۔

ذرائع کا کہنا ہے کہ گرفتار ملزم سے لوٹا ہوا سامان اور اسلحہ بھی برآمد کیا ہے جبکہ ساتھی ملزم فرار ہوگیا۔

پولیس اہلکاروں کا کہنا ہے کہ ملزمان شہری سے لوٹ مار کررہے تھے کہ اچانک پولیس آگئی اور ملزمان نے پولیس کو دیکھ کر فائرنگ شروع کردی۔

ڈیفنس: ڈکیت گروپ کا عبرت ناک انجام

پولیس نے جوابی فائرنگ کی تو ایک ملزم زخمی ہوگیا جبکہ ساتھی ڈاکو فرار ہوگیا، پولیس کا کہنا ہے کہ برآمد شدہ اسلحہ فرانزک کےلیے بھیجا جارہا ہے جبکہ ساتھی دوسرے ملزم کی تلاش جاری ہے۔

Comments

یہ بھی پڑھیں