اوکاڑہ : پنجاب کے شہر اوکاڑہ میں مبینہ پولیس مقابلے دوران دو ڈاکو ہلاک اور دو اہلکار زخمی ہو گئے، پولیس نے جائے وقوعہ سے چھینی گِئی موٹر سائیکل ، کلاشنکوف سمیت ناجائز اسلحہ برآمد کرلیا ہے۔
تفصیلات کے مطابق پنجاب کے شہر اوکاڑہ میں رحمت پورہ کے قریب 4 ڈاکو شہری سے لوٹ مار کے بعد فرارہو رہے تھے کہ پولیس موقع پہنچ گئی اور ڈاکوؤں کا پیچھا شروع کر دیا۔
اجس پر ڈاکوؤں نے پولیس پارٹی پر فائرنگ کردی ، ڈاکوؤں کی فائرنگ سے وسیم اور سہیل نامی اہلکار زخمی ہوئے جبکہ اہلکاروں کی جوابی فائرنگ میں 2ڈاکومارےگئے اور 2 فرار ہونے میں کامیاب ہوگئے۔
پولیس نے جائے وقوعہ سے چھینی گِئی موٹر سائیکل ، کلاشنکوف سمیت ناجائز اسلحہ برآمد کرلیا اور مزید تفتیش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں