کراچی کے علاقے نیو کراچی میں بلال کالونی تھانے کے قریب مبینہ پولیس مقابلے کے دوران ایک ملزم مارا گیا،2مبینہ ڈکیت بھی شہریوں کے تشدد سے زخمی ہوگئے۔
پولیس کے مطابق تین مبینہ ڈکیت اسلحہ کے زور پر لوٹ مار کر رہے تھے، دو مبینہ ڈکیتوں کو شہریوں نے پکڑا اور خوب تشدد کا نشانہ بنانا شروع کر دیا۔
اسی دوران فرار ہونے والے ایک مبینہ ڈکیت اور پولیس کا آمنا سامنا ہوا، پولیس کی فائرنگ سے ایک ڈکیت کو زخمی حالت میں گرفتار کر لیا گیا۔
ملزمان کے قبضے سے اسلحہ اور چھینا گیا سامان برآمد کرلیا گیا، ملزمان کی شناخت اور کرمنل ریکارڈ چیک کیا جارہا ہے، پولیس کا کہنا ہے کہ گرفتار زخمی ڈاکوؤں کو طبی امداد کے لیے عباسی شہید اسپتال منتقل کردیا گیا ہے۔
