لاہور : چیئرمین پی ٹی آئی عمران خان کی ہمشیرہ ڈاکٹر عظمی نے دعویٰ کیا کہ پولیس بغیر سرچ وارنٹ کے گھر میں داخل ہوئی اور میرے شوہر کو بھی گرفتار کرلیا۔
تفصیلات کے مطابق چیئرمین پی ٹی آئی عمران خان کی ہمشیرہ ڈاکٹر عظمی نے زمان پارک کے باہر میڈیا سے گفتکو کرتے ہوئے کہا کہ اللہ دیکھ رہاہےاور سن بھی رہا ہے، خان صاحب کی آپ لوگوں نے قدر نہیں کی۔
ہمشیرہ عمران خان کا کہنا تھا کہ بہت افسوس ہورہا ہے ہمارے لوگوں نےہمارے ساتھ یہ کیا، ہم نے پولیس دیکھی تو پیدل چل کر عمران خان کے گھر تک آئے۔
- Advertisement -
ڈاکٹر عظمی نے دعویٰ کیا کہ پولیس بغیر سرچ وارنٹ کے گھر میں داخل ہوئی ،سرچ وارنٹ کا پوچھتی رہی انھوں نے پروا ہی نہیں کی۔
انھوں نے بتایا کہ پولیس جب آئی تو گھر میں بچے بھی موجود تھے اور میرے شوہر کو بھی گرفتار کرلیا گیا ہے۔
