واشنگٹن : امریکی پولیس اہلکاروں نے انسانی ہاتھوں کی چین بناکر دریا میں ڈوبنے والی خاتون کو بچالیا، خاتون کو ریسکیو کرنے کی ویڈیو سوشل میڈیا پر وائرل ہوگئی۔
پولیس امریکا کی ہو کسی اور ملک کی، عوام کی اکثریت انہیں غلط ہی سمجھتی ہے لیکن امریکی ریاست اوہایوں میں پولیس اہلکاروں نے دریا میں ڈوبتی ہوئی خاتون کی جان بچاکر تاریخ رقم کردی ہے۔
میڈیا رپورٹس میں بتایا گیا ہے کہ امریکی ریاست اوہایو کی رہائشی خاتون 22 نومبر کی رات گاڑی سمیت دریا میں جاگری، جسے بچانے کےلیے پولیس اہلکارو ں نے جائے وقوعہ پر پہنچ کر انسانی چین بنائی اور گاڑی کا شیشہ توڑ کر خاتون کو باہر نکالا۔
ترجمان اوہایو پولیس کا کہنا ہے کہ اگرپولیس 30 سیکنڈ تاخیر کا شکار ہوجاتے تو 23 سالہ خاتون میں دم گھٹنے کے باعث ہلاک ہوجاتی۔
Comments
- Advertisement -