The news is by your side.

Advertisement

ٹرین میں خاتون سے اجتماعی زیادتی: تفتیشی پولیس کو ٹھوس شواہد مل گئے

کراچی : تفتیشی پولیس کو ٹرین میں خاتون سے اجتماعی زیادتی کے واقعے کے حوالے سے ٹھوس شواہد مل گئے، شواہد کی مدد سے ملزمان کو سزا دلانے میں مدد ملے گی۔

تفصیلات کے مطابق ملتان سے کراچی سفر کے دوران ٹرین میں خاتون سے اجتماعی زیادتی کے واقعے پر تفتیشی ٹیم قانونی تقاضے پورے کرنے کیلئے لیاقت پور میں موجود ہے۔

تفتیشی ذرائع کا کہنا ہے کہ زکریا ایکسپریس کے اے سی کمپاٹمنٹ سے شواہد حاصل کرلیے، اشیا شواہد میں شامل ہیں جن کا کیمیائی تجزیہ کرایا جائےگا۔

ذرائع نے بتایا کہ واقعہ کےحوالےسےٹھوس شواہد تفتیشی پولیس کو مل گئےہیں، ٹھوس شواہدکی مددسےملزمان کوسزادلانےمیں مددملےگی، گرفتارملزمان کومقامی عدالت میں پیش کیا جائے گا اور ملزمان کا کراچی میں بھی طبی معائنہ کرایاجائے گا ، 3 ملزمان کو پنجاب کے مختلف علاقوں سے گرفتار کیا گیا تھا۔

اس سے قبل زکریا ایکسپریس میں خاتون سے اجتماعی زیادتی کے واقعے میں گرفتار ملزمان کو راہداری ریمانڈ کیلئےملتان کی عدالت میں پیش کیا گیا۔

ریلوے پولیس کا کہنا تھا کہ عدالتی حکم پر زاہد کو میڈیکل کے لئے بھیجا جا رہا ہے اور ملزم عاقب کا ریمانڈ حاصل کیا جارہا ہے ، 6رکنی تفتیشی ٹیم کراچی سے ملتان میں موجود ہے۔

پولیس نے بتایا کہ ریلوےکی تفتیشی ٹیم ملزمان کو لے کر کراچی پہنچے گی ، عدالتی کارروائی پر دو سے تین دن لگ سکتے ہیں ، ممکنہ طور پر ٹیم 2سے 3دن میں کراچی واپس پہنچے گی ، کراچی پہنچنے پر ملزمان کو فوری عدالت میں پیش کیا جائے گا۔

Comments

یہ بھی پڑھیں