لاہور: پولیس نے چیئرمین پی ٹی آئی عمران خان کی رہائش گاہ زمان پارک کے اطراف گرینڈ آپریشن کرتے ہوئے 14 سے زائد کارکنوں کو گرفتار کرلیا۔
تفصیلات کے مطابق چیئرمین پی ٹی آئی عمران خان کی رہائش گاہ زمان پارک کے اطراف پولیس نے گرینڈ آپریشن شروع کیا۔
ڈی آئی جی آپریشن اور ڈی آئی جی انویسٹی گیشن کی قیادت میں ایک ہزار سے زائد پولیس اہلکاروں نے پوزیشن سنبھال لیں۔
- Advertisement -
لاہور پولیس نے عمران خان کی زمان پارک میں واقع رہائش گاہ میں داخل ہونے کی کوشش کی جس پر کارکنان نے شدید پتھراؤ کیا۔
پولیس کی جانب سے کارکنان کو منتشر کرنے کے لئے شیلنگ شروع کردی گئی اور 14 سےزائدپی ٹی آئی کارکن گرفتار کرلیا۔
زمان پارک کے باہر تجاوزات خالی کرانے کیلئے آپریشن کرتے ہوئے سڑکوں پرلگےٹینٹس بھی اکھاڑ دیئے۔
