سڈنی: آسٹریلیا میں کار سوار جنونی شخص نے مسجد میں داخل ہونے کی کوشش میں ناکامی پر مسجد کے اندر عبادت میں مصروف نمازیوں کو مغلظات بکیں، مذکورہ شخص کو پولیس نے گرفتار کرلیا۔
غیرملکی خبررساں ادارے کے مطابق آسٹریلوی ریاست کوئنز لینڈ کی نیوویلی اسٹریٹ میں واقع مسجد کے دروازے کو ٹکر مار کر ایک کار سوار نے گھسنے کی کوشش کی جس میں ناکام رہنے کے بعد جنونی شخص نے عبادت میں مصروف لوگوں کو دھمکانے کی کوشش کی۔
[bs-quote quote=”کوئنزلینڈ پولیس نے رات گئے نسل پرست جنونی شخص کو گرفتار کرلیا” style=”style-8″ align=”left”][/bs-quote]
کوئنزلینڈ پولیس نے رات گئے نسل پرست جنونی شخص کو گرفتار کرلیا، 23 سالہ ملزم کو ایک روز قبل بھی نشے کی حالت میں گاڑی چلانے پر حراست میں لیا گیا تھا اور 24 گھنٹے کے لیے لائسنس منسوخ کرکے عدالت میں پیش ہونے کی ضمانت پر رہا کردیا گیا تھا۔
پولیس نے نسل پرست نوجوان کو عوامی مقام اور کمیونٹی کی عمارت کو نقصان پہنچانے اور لائسنس معطل ہونے کے باوجود گاڑی چلانے کے جرم میں گرفتار کرلیا گیا، گاڑی کی ٹکر سے مسجد کی دیوار اور دروازے کو نقصان پہنچا ہے۔
Police have arrested a man after he drove his car into the gates of a place of worship at Stockleigh overnight.https://t.co/a9ZbPjSEua pic.twitter.com/4UZ9VxbiXT
— Queensland Police (@QldPolice) March 17, 2019
خیال رہے کہ دو روز قبل نیوزی لینڈ کے شہر کرائسٹ چرچ میں آسٹریلوی شہری کی دو مساجد میں اندھا دھند فائرنگ کے نتیجے میں 50 شہری شہید ہوگئے تھے جن میں 9 پاکستانی بھی شامل ہیں۔
گزشتہ روز ملزم کو عدالت میں پیش کیا گیا اور جسمانی ریمانڈ پر پولیس کے حوالے کردیا گیا تھا، تاہم ملزم عدالت میں پیشی کے دوران بے حسی کا مظاہرہ کرتے ہوئے مسکراتا رہا۔
