کراچی : پولیس مقابلوں میں لیاری گینگ وار کے دوملزمان ہلاک،جبکہ مختلف کاروائیوں میں چھ ملزمان کو حراست میں لے کر اسلحہ برآمد کرلیاگیا.
تفصیلات کے مطابق کلری میں لیاری گینگ وار کا اہم کمانڈر نقیب عرف مایا پولیس مقابلے میں مارا گیا،پولیس حکام کے مطابق ملزم بارہ افراد کی ٹارگٹ کلنگ میں ملوث تھا.
نیپئیر پولیس کے ایک اور مقابلے میں لیاری گینگ وار عزیربلوچ کا کارندہ مصطفٰی بھی مارا گیا، ملزم پولیس کو بھتہ خوری سمیت قتل اقدام قتل کی سنگین وارداتوں میں مطلوب تھا۔
دوسری جانب ملیر پولیس نے ایک کارروائی کے دوران چار پولیس اہلکاروں کی ٹارگٹ کلنگ ملوث ملزم یاسین عرف ماما گڈی کو گرفتار کرلیا،جبکہ دیگرکارروائیوں میں پولیس نےپانچ ملزمان کو حراست میں لے کر اسلحہ برآمد کرلیا۔
واضح رہے صوبائی وزیر داخلہ سہیل انور سیال کی جانب سے پولیس کو ہدایات کی گئی ہیں کہ جرائم پیشہ افراد کے خلاف سخت کاروائی جائے،شہر کے امن وامان اور شہریوں کی جان ومال کے تحفظ کو یقینی بنایا جائے.
