The news is by your side.

Advertisement

حقیقی آزادی مارچ : پولیس کی ڈاکٹر یاسمین راشد کے ساتھ شدید بدتمیزی ، گرفتار کرنے کی کوشش

لاہور : پولیس نے تحریک انصاف کی رہنما ڈاکٹر یاسمین راشد کے ساتھ شدیدبدتمیزی کرتے ہوئے گرفتار کرنے کی کوشش کی ، جس کے باعث ان ہاتھ زخمی ہوگیا۔

تفصیلات کے مطابق تحریک انصاف کاحقیقی آزادی مارچ روکنے کے لیے لاہور پولیس متحرک ہے، اس دوران تحریک انصاف کی رہنما ڈاکٹریاسمین راشد کے ساتھ پولیس نے شدید بد تمیزی کی اور ان کےڈرائیور کوحراست میں لے لیا۔

پولیس نے یاسمین راشد کی گاڑی میں موجود دیگرخواتین سے بھی بد تمیزی کی جبکہ نقاب پوش اہلکار یاسمین راشد کی گاڑی پر بھی پِل پڑے اور دیکھتے ہی ڈنڈے برسانا شروع کردیے۔

اس حوالے سے ڈاکٹریاسمین راشد نے اپنے بیان میں کہا کہ پولیس والوں نے بہت زیادتی کی، پہلے مرد اہلکاروں نے مجھے گاڑی سے گھسیٹ کر باہر نکالنے کی کوشش کی، اس کے بعد گاڑی کی چابی چھیننے کی کوشش کی جبکہ میرے ہاتھوں کو مروڑا۔

رہنما پی ٹی آئی نے کہا کہ پولیس نے مجھے گرفتار کرنے کی کوشش کی ، میری گاڑی کے سارے شیشے توڑ دیئےگئے، جس میں میرا ہاتھ زخمی ہوگیا، پولیس گردی کے کچھ نہیں ہورہا، راناثنااللہ کی قیادت میں سب چور اکٹھے ہوگئے ہیں۔

ڈاکٹریاسمین راشد نے واضح کیا کہ حقیقی آزادی مارچ ہر صورت کامیاب ہوگا۔

Comments

یہ بھی پڑھیں